Kiththane Kinaththe kiththi Kathane

812
Published on April 18, 2020 by

Kiththane Kinaththe kiththi Kathane

Kiththane Kinaththe kiththi Kathane

Ravana New Year Song by Ravana Brothers- කිත්තානේ කිනත්තේ- රාවන සොයුරන්ගේ රාවන අවුරුදු ගීතය

ඕම් ඉන්ද්‍රමුඛේ වේල මුකේ
මහා නාරායන මුකේ උදය බ්‍ර්හ්ම රූපන්
මධ්‍යම මහේශ්වර රූපන්
සවස විශ්නු රූපන්

ඕම් ජය කටකටත්ත විගත මරණ ධර කේරියන් කුජ සංගීත බරනන්
මම දේහ නායක සිද්දි බලං //….

කිත්තානේ කිනත්තේ කිත්තිකතානේ සක්විත්තන් හිරුට වැන්ද සිංහල දීපේ..
පුප්පානේ පූපනේ පැනිරස වෑහේ
ගම්මානේ ගිගුම් දිදී සිංහල නාදේ….

කන්හානේ කන්හනෙ කම්සා හෙළයිනේ
රාවණ පරපුරක උලෙල බුදුන්ගෙ දේසේ..

ඩබරු බුද්ධ බෙරය වයා නැකැත් කෙලින්නා
කැවිලි පෙවිලි උයා උයා හැඩ වැඩ වන්නා
අනුරාපුරයේ සයංජාත කිරිබත් සැදෙනා
සමනොල සබරෙ මසුරන් බත දනට පුදන්නා..

වස්සානේ දසන්තේ රාවණ තාලේ
අවුරුද්දෙම සතුට රැන්දු සදහම් දීපේ //..

නකුල දේව සේ ජවෙන් කමතෙ බමන්නා
දෙනෙත් කොනෙන් බලා බලා ලදුන් රඟන්නා
පැරනිම දේසේ පොරනෙ සිරිත රකින්නා
ඒ දීපේ එක නැකතට සියල්ල වෙන්නා..

මද්දාරා මදාරා පරසතු පිපෙනා
දෙව්ලෝකේ මෙහේනේ දෙවිවරු වසනා
කන්හානේ කන්හනෙ කම්සා හෙළයිනේ
රාවණ පරපුරක උලෙල බුදුන්ගෙ දේසේ

කිත්තානේ කිනත්තේ කිත්තිකතානේ
සක්විත්තන් හිරුට වැන්ද සිංහල දීපේ….
පුප්පානේ පූපනේ පැනිරස වෑහේ
ගම්මානේ ගිගුම් දිදී සිංහල නාදේ

කන්හානේ කන්හනෙ කම්සා හෙළයිනේ
රාවණ පරපුරක උලෙල බුදුන්ගෙ දේසේ ….

ගායනය – යොහාන් බිහේන්ද්‍ර රණසිංහ
– මලින්ද විජේකෝන්
සංගීතය – පබලු විජේගුණවර්ධන
පදරචනය – ධම්මික හෙට්ටිආරච්චි

කිත්තානේ කිනත්තේ ගීතයේ අරුත

මේ මගේ හත්මුතු පරම්පරාවේ යශෝරාවයයි

මේ සිවුහෙළ දීපයේ පමණක් සූර්ය දෙවියන්ට වන්දනා කරන සක්විතිවරු පහළ වෙති
පැණිරස වෑහෙන කැවුම් පිසින මේ අවුරුද්දේ ගම්මානය පුරා ගිගුම් දෙන්නේ සිංහළ තාල නාදයි
සුරයිනි, අසුරයිනි, යකුනි, රාවන පරපුරේ අපි අපේ බුදුන්නේ දේශයේ පවත්වන උත්කර්ෂවත් උලෙල සිංහළ අවුරුදු උත්සවයයි

ඩමරුව, බුද්ධ බෙරය වයමින් අවුරුදු සමරති. කැවිලි පෙවිලි උයමින් තරුණියන් හැඩ වැඩ වෙති
අනුරාධපුරයේ ස්වයංජාත හාලෙන් නැකතට කිරිබත් හදද්දී සමනොළ කන්ද පිහිටි සපරගමුවේ මසුරන් සහලෙන් බත් පිස පන්සලට දානය දෙති.
මේ වසන්ත කාලේ දස අතම රැව් දෙන්නේ රාවන තාලයයි. මුලූ අවුරුද්දම සතුටින් සිටින්නේ මේ අපේ සදහම් දිවයින බැවිනි.
තරුණයෝ නකුල සහදේව නිවුන් සොවුරන් මෙන් ජවයෙන් කමතේ බමති. තරුණියන් රගන්නේ දෙනෙත් කොනින් බැලූම් හෙළමිනි.

මේ ලොව පැරණිම දේසයයි. ඒ දේසයේ ඉපැරණි සිරිත් විරිත් සැමදාකම හෙළයෝ රකිති. ඒ දේසයේ සියල්ලෝ නව අවුරුද්දේ එකම නැකතට එකම වැඬේ කරති. එවැනි රටක් ලොව වෙන කොහෙවත් නැත.

මදාරා පරසතු මල් දෙවර්ගය පිපෙන ලොව ඇති එකම දෙව්ලොව මේ අපේ මාතෘභූමියයි.
සුරයිනි, අසුරයිනි යකුනි, රාවන පරපුරේ අපි අපේ බුදුන්නේ දේශයේ පවත්වන උත්කර්ෂවත් උලෙල සිංහළ අවුරුදු උත්සවයයි

Singer: Yohan Bihendra Ranasinghe, Malinda Wijekoon
Music: Pabalu Wijegoonawardene
Lyric: Dhammika Hettiarachchi

Category Tag