Doi Amma දොයි අම්මා ජානකී සුරියආරච්චි

3,251
Published on October 23, 2018 by

Doi Amma දොයි අම්මා

Janaki sooriyaarachchi ජානකී සුරියආරච්චි

Doi Amma Sinhala Kids Song Lyrics

Doi Amma දොයි අම්මා

අම්මා මගේ හරි හොඳයි – අපට හරිම ආදරෙයි
උදේ ඉඳන් රෑ වෙනතුරු – මුළු දවසම වැඩ කරයි
පාන්දරින් ඇහැරිලා – කපල උයල සොදලා
බත් කට කට කවා අපට – වැඩට දුවයි සැරසිලා

වැඩට ගිහින් දවසම – විවේකයක් නැතුවම
උදේ ඉඳන් රෑ වනතුරු – වැඩ වැඩ වැඩ දවසම

සමහර දවසට අනේ – මුණත් මැලවී වගේ
අනේ මගේ සුදු අම්මට – හරිම මහන්සියි වගේ

ගෙදර ඇවිත් හවසට – මහන්සි අමතක කර
අපවත් තුරුළට අරගෙන – බලයි අපේ පොත පත

මම යනතුරු නින්දට – කියයි කතා රසකර
ඒත් අම්මා නිදියනතුරු – කවුරුත් නෑ තනියට

දැන් හොඳටම රෑ වෙලා – අම්මා තවම ඇහැරිලා
එන්න මගේ සුදු අම්මා – නිදියමු දැන් රෑ වෙලා

ඉවර නෑලු වැඩ ටික – බලා ඉන්න බෑ මට
උදව් වෙන්න දෙන්නෙත් නෑ – ඇෙඬන්න එනවා මට

ගේ අතුගා අස් කරයි – රෙදි සෝදයි රෙදි මදියි
වළං පිඟන් සොදන කොට – අත රිදෙයිද මට දුකයි

අම්මා අර තනියම – කුස්සියේ වැඩ හොඳටම
අපිත් යමුකො උදව් වෙමුකො – ඉවර කරමු වැඩ ගොඩ

එක්වී අපි ඔක්කොම – උදව් කරමු අම්මට
වැඩ ඔක්කොම ඉවර වෙලා – නිදි කරවමු අම්මව

අම්මා නිදියන තුරු – හීනෙන් හිනැහෙන තුරු
ළඟින් ඉදන් කතා කියා – අම්මා නලවමි මම

දොයි දොයි දොයි දොයි බබා – අම්මා මගේ දොයි බබා
රිදෙනා අත අතගාමින් – නලවමි අම්මා බබා

යන්තම් දැන් නිදි වගෙයි – ගොරවන සද්දේ ඇහෙයි
අම්මා නිදිකර දැන්නම් – මටත් නිදිමතයි වගේ

Doi Amma Sinhala Kids Song by Janaki Sooriyaarachchi

Category Tag