Bowitiya Dan Sunil Shantha

791
Published on April 3, 2020 by

Bowitiya Dan Sunil Shantha

Bowitiya Dan baloli palukam karamba godayi nango…

බෝවිටියා දං පළුකං වාරේ

බෝවිටියා දං පළුකං වාරේ මේ නොවැ පොඩි නංගෝ

කුරුඳු කැලේ සුදු වැල්ලේ මා දං ගොඩ ගැහිලා නංගෝ

සිහිවෙන විට තොල කට ද තෙමෙයි මේ මා යනවා නංගෝ

මා යනවා නංගෝ

හා සුදු සුදු අයියේ

මා එනවා අයියේ

අයියේ යමු යමු සුදු වැල්ලේ

ඇයි නංගෝ මා අතහැරපන්කෝ මා වෙලටයි යන්නේ

බාලොලියා බෝවිටියා කන්නෝ නරක ළමෝ නංගෝ

එදා වගේ මා ඕළු නෙළා ගෙන එන්නම් සුදු නංගෝ

එන්නම් සුදු නංගෝ

මට අද ඕළු එපා

බාලොලියා ද එපා

අයියේ මා ගෙදරම ඉන්නම්

එ් බොරුවට මා විහිළු කළා නොවැ තරහද මගෙ නංගෝ

රතට රතූ කජු පුහුලම් ඔබ දැක සැඟවෙනවා නංගෝ

අපට එපා ඔය ලජ්ජා උදවිය එන්න මෙහෙං නංගෝ

එන්න මෙහෙං නංගෝ

ටික ටික සැඟවෙනවා

එබිකම් කර යනවා

හා හා ඔබ දැක නොවැ අයියේ

පුහුල් හොරා නම් කරෙන් දැනෙන්නා කීවා නොවැ නංගෝ

සුදෝ ඔබේ දිව තොල් කළු වූයේ කිමද අහෝ නංගෝ

මටත් හොරෙන් ඔබ දං කෑවා නොවැ යසයි යසයි නංගෝ

යසයි යසයි නංගෝ

එකක් කටේ වැටුණා

ටිකක් රහත් බැලුවා

අයියගෙ දත් ටික දම් පාටයි

බෝවිටියා දං පළුකං බාලොලි කරඹ ගොඩයි නංගෝ

සුදෝ ඔබේ කට අතට වඩා වේගෙන් යන්නා වාගෙයි

ඊට වඩා දැන් පය ඉක්මන් කර ගෙදරට යමු නංගෝ

ගෙදරට යමු නංගෝ

දකුණේ බාලොලියා

වමතේ බෝවිටියා

කන්නේ මා දං සුදු අයියේ

බෝවිටියා දං පළුකං වාරේ මේ නොවැ පොඩි නංගෝ ///.

ගායනය – සුනිල් සාන්ත සහ චිත්‍රා සෝමපාල

පද – සුනිල් සාන්ත

තනුව – සුනිල් සාන්ත

Category Tag