Gamarala Divya Loke Giya Hati
Gamarala Divya Loke Giya Hati
ගමරාළ දිව්‍ය ලෝකෙ ගිය හැටි
දවසක්දා උදේම අවදි වුණ ගමරාල මහත්තයා තේ කෝප්පෙකුත් බීලා හේනට ගියා …
ඒත් හේන පුරා තඩි වංගෙඩි වගේ අඩි සලකුණු තියෙනවා දැකලා එයා පුදුම වුණා ..
“වංගෙඩියක් ඇවිදිං මගේ හේනේ ඇවිදලාද? ”
ගමරාල එහෙම හිතලා එදා රෑ ගෙදර නොගිහින් හේනේ නතර වුණේ
මේ වංගෙඩි කකුල් වල රහස හොයා ගන්න හිතාගෙනයි ..
ඔන්න එදා රෑ සීදේවී පෙනුමැති අලියෙක් අහසින් ඇවිදින් හේනට පාත් වුණා ..
ඒ අලියා හේනපුරාම ඇවිදින්න වුණා … “ආ එහෙනම් මේකයි වංගෙඩි කකුල් වල හොරේ”
ගමරාල එහෙම හිතලා පුදුම වුණා ..
ඊට පස්සේ එයා අඩියට දෙකට දුවලා ගිහින් මේ පියාඹන අලියාගෙ වල්ගේ එල්ලුණා ..
අලියා ගමරාල වත් වල්ගේ එල්ල ගෙනම ඉහළ අහසට ඉගිලිලා, දිව්‍ය ලෝකෙට ගියා ..
දිව්‍ය ලෝකේදී ගමරාලට ලෝකේ රසවත්ම කෑම කන්න ලැබුණා ..
රසම රස පිට්සා එකක් ගත්ත ගමරාල උඩ පැන පැන ඒ පිට්සා එක කෑවා ..
උදේ වෙනකොට ගමරාල ආයෙම ගෙදර ආවා ..
එයා මේ දිව්‍ය ලෝකේ ගමන ගැන ගම හාමිනේටයි, ගම දෝනිටයි කිවුවා ..
එදා රෑ ගෙදර හැමෝම ආයෙත් දිව්‍ය ලෝකේ යන්න ලෑස්ති වෙලා
හේනට ගිහින් අලියා එනකම් බලාන හිටියා ..
ඔන්න එදත් පුරුදු වෙලාවටම අලියා හේනට ආවා ..
ගමරාල දුවගෙන ගිහින් අලියගේ වල්ගේ එල්ලුණා, ගම හාමිනේ ගමරාළගේ ඇඟේ එල්ලුණා,
ගම දුවත් ඇවිත් එල්ලුණා, ගම ගෙදර දඩෝරියත් ඇවිත් මෙයාලගෙ ඇඟේ එල්ලුණා ..
අලියා මේ හැමෝම අරගෙන අහසට ඉගිලිලා ගියා …
වළාකුල් මැදින් ඉගිලිලා යන අතරේ සතුටෙන් ඉපිලිලා හිටිය ගම දුව ගමරාල ගෙන් ප්‍රශ්නයක් ඇහුවා …
දිව්‍ය ලෝකේ පිට්සා එකක් කොච්චර ලොකුද තාත්ති?
“මේං මෙච්චරං විතර ඇති දුවේ “
කියලා ගමරාළ අත් දෙක දෙපසට දිගු කළා විතරයි
අලියගෙ වල්ගෙ අතඇරිලා ගම ගෙදර කට්ටියම ආයෙත් පොලවට වැටුනා …
